Су тасқыны СҚО-дағы егіс жұмыстарына зиян тигізбеді

Солтүстік Қазақстан облысында егіс алқабының көлемі 4,5 млн гектарды құрайды. Ауылшаруашылық құрылымдарының кейбірі егіс жұмыстарын бастап кетті. Бұл туралы World of NAN порталы inform.kz сайтына сілтеме жасай отырып хабарлайды.

Облыстың ауыл шаруашылығы басқармасы су тасқыны көктемгі дала жұмыстарына әсер етпейтінін айтып отыр. Кейбір аумақта еріген қар суының жиналуы байқалса, оның орнына тыңаюға қалдырылған жерлер пайдаланылады.

Қазірдің өзінде 4,5 миллион гектар алқапта ылғалмен күресу аяқталды, 416,8 мың гектар алқапқа 29,4 мың тонна минералды тыңайтқыш енгізілді, жоспардағы үш миллион гектарға 256,6 мың тонна тыңайтқыш қарастырылған. Бірқатар ауыл шаруашылығы тауар өндірушілері 169,4 мың гектар алқапқа дәнді дақылдар сеуіп үлгерді.

Биылғы егіс көлемі 4,5 миллион гектарды құрайды. Оның ішінде дәнді дақылдар 3,4 миллион гектарды, майлы дақылдар – 751 мың гектарды, мал азығы – 379 мың гектарды, картоп – 26 мың гектарды, көкөніс – 5 мың гектарды алады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.