АШМ: шегірткеге қатысты ахуал күрделі

Биыл үйір шегірткелердің таралуы 2,5 миллион гектар аумақты қамтиды деп болжанып отыр. Көрсеткіш өткен жылмен салыстырғанда 1 миллион гектарға артық. Бұл зиянкестердің табиғи өсімінің шарықтау шегіне жетуіне байланысты. Осы жөнінде World of NAN Ауыл шаруашылығы министрлігіне сілтеме жасай отырып хабарлайды.

Биылғы жылы ең көп таралу Ақтөбе – 784 мың га, Қостанай – 776 мың га және Түркістан облысында – 271 мың га болады деп күтілуде.

Шегіртке үйірлерімен күресу үшін республикалық бюджеттен алдын ала 4,2 миллиард теңге, үкіметтік резервтен қосымша 3,9 миллиард теңге бөлінді.

Қазіргі уақытта шегірткемен күресу үшін 1,16 миллион гектар аумақта дер кезінде өңдеуге арналған пестицидтер қоры алынды. Сондай-ақ, 1,3 миллион гектар аумаққа пестицидтер сатып алу туралы келісімдер жасалып, 153 мың гектар алқапқа конкурстық процедуралар жүргізілуде.

1,75 миллион гектар аумаққа химиялық өңдеу қызметтерін сатып алу туралы келісімдер жасалды, ал 794 мың гектар аумаққа конкурстық рәсімдер жүргізіліп жатыр.

16 сәуірден бастап Түркістан облысында марокколық шегірткеден қорғау шаралары жасалып жатыр. Ақтөбе және Қостанай облыстарында осы екі облыста жұмыртқа капсулаларының күйіне мониторинг жүргізілуде, жұмыстың басталу мерзімі - мамыр айының екінші жартысы.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.