Егіншілік жүйесінде топырақ жамылғысын қорғайтын, қоректік элементтерді үнемдейтін тәсілге көшу шаруаларға қандай өзгерістер әкелмек?

29 қаңтар 2021
784

Ауыл шаруашылығы экономиканың маңызды бөлігі болып табылады және азық-түлік қауіпсіздігін қамтамасыз етуге елеулі үлес қосады. Оның қарқынды дамуы топырақтың құнарлылығына байланысты. Соңғы жылдары егістік жерлер деградацияға ұшырап жатқандығын мамандар айтып дабыл қағуда. Бұл жағдай ауыл шаруашылық өнімінің азаюына әкеледі. Агрономия бойынша ФАО сарапшысы, Әзірбайжан, Қазақстан және Өзбекстанның суармалы егіншілігінде қоректік элементтерді үнемдейтін ауыл шаруашылығы бойынша нұсқаулықтың авторы Азиз Нұрбеков World of Nan порталына берген эксклюзивті сұхбатында топырақты қорғайтын инновациялық тәсілдің тиімді жақтарына толығырақ тоқталады.