Қазақстанда орақ науқаны қалай өтуде

28 қыркүйек 2020
418

Қазақстанда егіннің  95,2% жиналды. Елімізде 18 млн тонна астық жинау жоспарланып отыр. Биыл егіннің  сапасы былтырғы жылғы көрсеткіштермен салыстырғанда айтарлықтай жоғары. Мәселен, рәсімделген астық қоймаларына 1-3 сұрыптағы бидайдың 83,8% тапсырылған. Ал былтыр бұл көрсеткіш 67,2% құраған еді. Сондай-ақ, ауыл шаруашылығы министрлігі астық экспортына тыйым салу мәселесі қарастырылмайтынын атап өтті, өйткені биылғы астық бітік шығып қамбамыздың егінге толатыны сөзсіз. Жаңа өнімнің экспорттық әлеуеті шамамен 7,5-8 млн тоннаны құрайды.