Ақмолалық фермерлер гектардан 15 центнер бидай жинайды

Егін шаруашылығына 30 жылын жұмсаған Ақмола облысының агрономы алғаш рет осындай қиын ауа-райына тап болғанын мәлімдеді, деп хабарлайды World of NAN Inform.kz-ке сілтеме жасап.

Құрғақ жазға қарамастан, Ақмола облысы Зеренді ауданы «Викторовское» ЖШС ҚАК шаруа қожалығының қызметкерлері барлық күш-жігерін салып, лайықты өнім өсіре алды.

«Мен осындай қиын ауа-райына алғаш рет тап болдым. Көктемде егін егуде қиындықтар болды, көшеттер шыға бергенде жаңбыр болмады, жер тез құрғап, ылғал топыраққа еніп үлгермеді. Жаз да құрғақ болды, карантин де алаңдаушылық қосты. Дегенмен, біз барлық күш-жігерімізді жұмсадық және биылғы жылы егін қалыпты болды деп санаймын», - дейді шаруа қожалығының агрономы Өміржан Қожахметов.

Оның айтуынша, бидайдың өнімділігі гектардан 15 центнерді құрайды. Бүгінгі таңда 10100 га жиналды – бұл 65%. Жинау жұмыстары тәулік бойы жүргізіледі, комбайндар екі ауысымда жұмыс істейді. Жиынға 50-ге жуық адам, 10 астық жинайтын комбайн, 8 жүк көлігі және 3 трактор қатысады. Фермерлер егер ауа-райы мүмкіндік берсе, егін жинауды 23-25 қыркүйекке дейін аяқтауды жоспарлап отыр.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.