2 млн гектар алқапта шегірткеге қарсы күрес аяқталды

Республикалық жедел штабтың отырысында шегірткеге қарсы күрес бойынша қазіргі жағдай қаралды. Бүгінгі таңда химиялық өңдеу 2 млн га алқапта жүргізіліп, болжанған өңдеу көлемінің 77,4 пайызы өңделді. Бұл жөнінде World of NAN үкіметке сілтеме жасай отырып хабарлайды.

Абай, Атырау, Шығыс Қазақстан, Батыс Қазақстан және Қызылорда облыстарында италиялық прусқа қарсы өңдеу аяқталды.

Ақмола және Солтүстік Қазақстан өңірлерінде жұмыс басталады.

Өткен аптада нөсер жауын мен қатты желге байланысты Ақтөбе және Қостанай облыстарында мониторинг пен химиялық өңдеу тоқтап қалған еді. Жұмыс сәрсенбі-бейсенбі күндері басталады.  Өңірлер пестицидтермен қамтамасыз етілген, қажет болған жағдайда қосымша техника жіберіледі.

Ақтөбе облысындағы РФ-мен бүкіл шекара маңы аумағы өңделді. Тексеру өзге өңірлердің шекарасында жүргізіледі.

1 шілдеде Серік Жұманғарин РФ Үкіметі төрағасының орынбасары Дмитрий Патрушевпен телефон арқылы сөйлесіп, Ресей тарапынан Қазақстанмен шекаралас аумақтарды өңдеу аяқталғаны белгілі болды.

Сонымен қатар Серік Жұманғарин өңір әкімдіктеріне жағдай толық тұрақталғанға дейін жұмыс қарқынын төмендетпеуді тапсырды.

Отырыста аграршыларды минералды тыңайтқыштармен қамтамасыз ету барысы да қаралды. Естеріңізге сала кетейік, биыл президенттің тапсырмасы аясында тыңайтқыш енгізу көлемін 1,5 млн тоннаға дейін ұлғайту бойынша шаралар қабылданды. Наурыз айынан бастап отандық тыңайтқыш аванстық субсидия тетігі арқылы іске асып жатыр. 

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.