Ауыл шаруашылығындағы жас ғалымдар 400 грантқа ие болды

Қазақстанда биыл ауыл шаруашылығы ғылымына 15 млрд теңге бөлінді. Бұл туралы ҚР Ұлттық Ғылым академиясының вице-президенті, академик Тлектес Есполов айтты, деп хабарлайды World of NAN  Inform.kz.-та сілтеме жасап.

«Тәуелсіз Қазақстанның зияткерлік әлеуеті: қалыптасуы мен дамуының 30 жылы» атты Бірінші халықаралық жас ғалымдар форумы барысында академик биыл ауыл шаруашылығы ғылымына 15 млрд теңге бөлінгенін атап өтті. 2018-2020 жылдары аграрлық ғалымдармен 36 ғылыми бағдарламаны іске асыру қорытындысы бойынша 1050 нәтиже алынды.

«2022-2026 жылдарға арналған АӨК ұлттық жобасы аясында АШМ 35 жасқа дейінгі жас ғалымдарға 2022-2023 жылдарға 200 грант, 2024-2025 жылдарға екі жыл мерзімге 30 миллион теңгеден тағы 200 грант бөлу қарастырылған. Мұндай мақсатты жұмыс аграрлық ғылымның тиімділігін 2025 жылға қарай 40% дейін және аграрлық мамандықтар бойынша түлектерді жұмысқа орналастыру деңгейін 55% дейін арттыруға мүмкіндік береді», - деді Тлектес Есполов.

Бүгінгі таңда ҚазҰАУ-да ғылыми зерттеулер жүргізу үшін ғалымдарға, докторанттарға, магистранттарға ғылыми-білім беру инфрақұрылымы құрылған. Құрамына 7 ғылыми-зерттеу институты, 8 инновациялық орталық, 49 зерттеу зертханасы, нақты жобалар негізінде құрылған 18 халықаралық ғылыми орталық кіретін халықаралық агроөнеркәсіптік ХАБ жұмыс істейді.

«Ғалымдар 2021-2023 жылдарға арналған 8 млрд теңгеден астам сомаға зерттеу, енгізушілік және халықаралық жобаларды іске асыруда, олардың 45% жас ғалымдардың жетекшілігімен орындалуда», - деп толықтырды Тлектес Есполов.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.