Абай облысында майлы және мал азықтық дақылдар, ет өндірісінің экожүйесін құру жоспарлануда

Абай облысында агроөнеркәсіп кешенді дамытудың ұлттық жобасы аясында ет өнімдерін, майлы дақылдар және мал азықтық дақылдарды өндіру мен өңдеудің экожүйесін құру жоспарланып жатыр. Бұл туралы ҚазАқпарат агенттігіне сілтеме жасай отырып, World of NAN хабарлайды.

Облыста 742 мың гектар егіс алқабы бар. Сонымен қатар 788 мың бас ірі қара, 1,3 миллион ұсақ мал бар. Келесі жылдың 1-тоқсанында «Өндіріс» индустриялық аймағында қуаттылығы жылына 600 тонна болатын жартылай фабрикат (ет және балық консервілері) ет өндіретін цехты іске қосу жоспарланып отыр. Сондай-ақ әкімдіктегілер келесі жылы «Semey Qus» құс фабрикасын кеңейту мен тағы 200 тауарлы сүт фермасын қайта құруды жоспарлап жатқанын айтады.

«Ауыл-ел бесігі» жобасы аясында 24 тірек және серік ауылда жалпы құны 5,6 млрд теңгені құрайтын 55 жоба жүзеге асырылып жүр.

Абай облысында шілдеде ауыл шаруашылығының өндіріс көлемі 475 миллиард теңгеден асып, 3,5 пайызға өскені айтылды.

Осыдан бірнеше апта бұрын президент Тоқаев «Семей ядролық қауіпсіздік аймағы туралы» және «Қазақстан Республикасының кейбір заңнамалық актілеріне Семей ядролық қауіпсіздік аймағы, экология және электр энергетикасы мәселелері бойынша өзгерістер мен толықтырулар енгізу туралы»  заңдарға қол қойған болатын. Заң нормаларына сәйкес, қазіргі Абай облысының аумағында орналасқан бұрынғы Семей ядролық сынақ полигонында Семей ядролық қауіпсіздік аймағын құру жоспарланып отыр. Бұл заңнамалық өзгерістер Семей ядролық сынақ полигонының аумағындағы жерлерді шаруашылық айналымға біртіндеп қайтару мақсатын көздейді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.