Абай облысындағы құс фабрикалары субсидия ала алмай жатыр

Облыстағы «Восток бройлер» және «Прииртыш бройлер құс фабрикасы» 2021 жылдан бері 500 млн теңге көлемінде субсидияға қол жеткізе алмаған. Құс өндірушілер бұл мәселені «Атамекен» палатасындағы Кәсіпкерлер құқығын қорғау және сыбайлас жемқорлыққа қарсы іс-қимыл жөніндегі кеңес отырысында көтерді, деп хабарлайды World of NAN.

«Бүгінде қаладағы құс етінің жалпы көлемінің 70 пайызын біз – екі құс фабрикасы қамтамасыз етіп отырмыз. Бізде мыңға жуық адам жұмыс істейді. Біздің жылдық өндірістік қуатымыз 17 мың тоннаны құрайды және 2022 жылдан бастап біз толық қуатта жұмыс істейміз. Қазір айналымда ақша жоқ, субсидия ала алмаймыз. Бүгінде Ресейден, Украинадан, Америкадан арзан тауық етін әкеліп жатыр, оның құрамында не бар екенін ешкім білмейді, арзанырақ болғандықтан сатып алады. ШҚО, Абай облыстарының ауыл шаруашылығы басқармаларына және Қаржы министрлігіне хат жаздық, фабрикалар 2021 жылы 160 миллион субсидияны алмады, қайтадан сотқа бердік, мүмкін осы айда істі қарайтын шығар. Ал биыл Абай облысынан 444 миллион теңге субсидия алмадық. Міне, күтіп отырғанымызға сегізінші айдан асып барады», - деді «Восток бройлер» ЖШС директоры Төлеужан Жексембаев.

Фабрикалар ШҚО ауыл шаруашылығы басқармасына субсидиялардың жоғалған сомасын сот шешімімен төлеуге қосымша бюджет бөлу мәселесін шешуді сұрап бірнеше рет жүгінген. Алайда мәселе шешілген жоқ. Осылайша, Қазақстан Республикасы Қаржы министрлігіне үндеу жолдады, министрліктің жауабында «Асыл тұқымды мал шаруашылығын дамытуды, мал шаруашылығы өнімдерінің өнімділігі мен сапасын арттыруды субсидиялау қағидаларына» сәйкес бюджеттік субсидиялар беру үшін тиісті қаржы жылына арналған жергілікті бюджетте көзделген шегі  есебінен жүзеге асырылатыны айтылған.

«Абай облысы әкімдігінің 2023 жылғы 14 наурызда бекітілген No51 қаулысы негізінде құс етін өндірудің өзіндік құнын төмендетуге бағытталған 712 млн теңге қарастырылған. Дегенмен, бөлінген қаражаттың 557 миллион теңгесі 2022 жылы резервтік өтінімдерді төлеуге жұмсалса, биылғы жылдың өтінімдері бойынша 154 миллион теңге жұмсалған. Абай ауданының әкімдігі Ауыл шаруашылығы министрлігіне қосымша қаржы қажеттілігі туралы бюджеттік өтініммен хат жолдап, олар 900 000 мың теңге сұрады», - деді облыстық ауыл шаруашылығы және жер қатынастары басқармасы басшысының орынбасары Ертай Қуанбаев.

Премьер-Министрдің орынбасары Роман Склярдың 2022 жылғы 22 шілдедегі жаңа өңірлердің құрылуына байланысты Хаттамасына сәйкес, Алматы, Шығыс Қазақстан және Қарағанды ​​облыстарының әкімдіктеріне ҚР ауыл шаруашылығы тауарын өндірушілеріне жаңадан құрылған аймақтарға 2022 жылдың соңына дейін субсидиялар төлеуді қамтамасыз ету тапсырылған. Алайда, Шығыс Қазақстан облысының әкімдігі субсидия төлеуге бөлінген қаражатты бөлу шараларын атқармаған.

«Шығыс Қазақстан облысының мамандандырылған ауданаралық әкімшілік соты Шығыс Қазақстан облысының ауыл шаруашылығы басқармасын 2021 жылдың 20 шілдесі мен 23 қыркүйегі аралығында өткізілген құс еті өнімдерін субсидиялауға екі құс фабрикасының өтініштерін қабылдауды міндеттейтін ұйғарым шығарды. Осыған байланысты сот шешімін орындау Шығыс Қазақстан облысының ауыл шаруашылығы басқармасының құзыретіне жатады», - деп толықтырды облыстық ауыл шаруашылығы және жер қатынастары басқармасы басшысының орынбасары Ертай Қуанбаев.

«Восток бройлер» ЖШС директоры Төлеужан Жексембаев мәселенің салдарын атап өтеді – мал азығын өндіруге арналған шикізат бағасының тұрақты өсуі салдарынан, мемлекеттік субсидиялардың созылмалы тапшылығы жағдайында құс фабрикалары өз өнімдерінің бағасын көтереді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.