Адай жылқысы жаңа ұлттық брендке айналды

Қазақстан Республикасының Әділет министрлігі жаңа ұлттық бренд ретінде Адай жылқысының алты жаңа тұқымын патенттеді. Бұл туралы World of NAN порталы Әділет министрлігіне сілтеме жасай отырып хабарлайды.

Әділет министрлігінің «Ұлттық зияткерлік меншік институты» Ауыл шаруашылығы министрлігінің Тұқымдарды апробациялау жөніндегі мемлекеттік комиссиясының қорытындысы негізінде селекциялық жетістіктерге алты патент беру және оларды селекциялық жетістіктердің мемлекеттік тізілімінде тіркеу туралы шешім қабылдады.

Осы қорытындының негізінде патент иеленушінің селекциялық жетістікті пайдалануға айрықша құқығын, оның басымдылығын және селекционердің авторлығын куәландыратын Адай жылқысының алты жаңа тұқымы Қазақстан Республикасының селекциялық жетістігі ретінде тіркелді.

Адай жылқысының жаңа тұқымдарына патент алу оны одан әрі сақтау мен сұрыптауға, сондай-ақ Қазақстан Республикасының ұлттық брендін дамытуға ықпал етеді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.