Мемлекеттік қолдау негізінде мал басын сақтандыруға өтінім қабылданып жатыр

Аграрлық несие корпорациясы мал шаруашылығын мемлекеттік қолдау негізінде сақтандыруға өтінім қабылдауды жалғастырып жатыр. Бұл жөнінде World of NAN ұйымның баспасөз қызметіне сілтеме жасай отырып хабарлайды.

Ұйым таратқан ақпаратқа сәйкес, сақтандыру мерзімі 12 айды құрайды және жануарларды сақтандыру ірі қара мал басын мынадай қауіп-қатерлерден қорғауды қамтамасыз етеді:

• аурулардан,
• өрттен,
• жазатайым оқиғалардан,
• табиғи апаттардан,
• ұрлықтан.

Фермерлер малын өз шаруашылықтарының аумағында, сондай-ақ 5 км радиустаға көрші шаруашылықтардың аумағын қамти отырып сақтандыра алады.

Сақтандыру тарифтері сақтандыру шарты құнының 1,54% - 9,85% деңгейінде белгіленген және сақтандырылатын жануарлардың басы мен түріне байланысты болады.

Сақтандырылатын сиырдың саны 10 бастан кем болмауы керек. Ал ұсақ мал, жылқы, құс және шошқа 30 бастан кем болмауға тиіс.

Сақтандыру Kezekte.kz платформасында орналастырылған Агросақтандыру ақпараттық сервисінде жүзеге асырылады. Барлық сақтандыру қатысушылары электрондық цифрлық қолтаңба арқылы Kezekte.kz платформасында тіркелуі қажет.

Бүкіл сақтандыру процесі онлайн режимінде жүзеге асырылады. ХҒС жеке шотында фермер сақтандыру субъектісін, сақтандыру компаниясын таңдайды және сақтандыру сыйлықақысының 80% төлейді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.