Швейцариялық компания Қазақстанда аграрлық қор құрады

ҚР СІМ Инвестициялар комитетінің төрағасы Ғабидолла Оспанқұлов «INOKS Capital» швейцариялық компаниясының Бас директоры Набиль Марк Абдул-Масихпен кездесу өткізді. Бұл жөнінде World of NAN порталы «Kazakh Invest» ұйымына сілтеме жасай отырып хабарлайды.

INOKS Capital өкілдері компанияның Алматы облысындағы қарқынды бақтардың екінші кезеңі, «Қорғас-Шығыс қақпасы» АЭА жем зауытын кеңейту сияқты қолданыстағы инвестициялық жобаларын кеңейту жөніндегі жоспарлары туралы айтты.

Тараптар Жамбыл облысындағы қант зауытын жаңғыртуға инвестиция салуды да талқылады. Кәсіпорын шикізатты ішкі және сыртқы нарықтан сатып алуды жоспарлап отыр. Жоспарланған инвестиция көлемін ескере отырып, компания инвестициялық келісімге қол қою мүмкіндігін қарастыруда. Қазіргі уақытта компания «Qazaqstan Investment Corporation» компаниясымен ауыл шаруашылығы қорын құру туралы келіссөздер жүргізуде.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.