Сыбайлас жемқорлыққа қарсы қызметі АШМ-ді тексеруде

Сыбайлас жемқорлыққа қарсы қызмет Төрағасы Марат Ахметжанов ауыл шаруашылығы саласына бөлінген орасан зор қаражат желге ұшқанын мәлімдеді, деп хабарлайды World of NAN Tengrinews.kz-ке сілтеме жасап.

Агенттіктің брифингінде сөйлеген сөзінде Марат Ахметжанов Ауыл шаруашылығы министрлігінде тергеу объектісі енді қылмыстық схемалар мен ұрлықтың жасырын нысандары болатынын нақтылады.

«Соңғы 5 жылда бұл салаға 2 триллион теңге қаржы бөлінген. Оның 465 миллиард теңгесі асыл тұқымды мал шаруашылығын дамытуға жұмсалды. Қазақстанды ет экспорттаушы ету, жұмыс орындарын, жемшөп алаңдарын құру сынды игілікті мақсаттар болды. Бірақ бізде, өкінішке орай, ет импорты 62 пайызға өсті. Яғни, біз үлкен қаражатты желге ұшырдық. Олар экономикаға жұмыс істемеді», - деп мәлімдеді Ахметжанов.

Оның айтуынша, жеке адамдар мал контрабандасымен немесе субсидия ұрлаумен айналысқан кезде жеке қылмыстар толық көрініс бермейді.

«Сондықтан біз бүгін Ауыл шаруашылығы министрлігіне осы қаражаттың қалай салынғанын, нысаналы индикаторлардың қандай болғанын, осы нысаналы индикаторлардың бүгінгі күні неге орындалмағанын анықтауға бардық. Кім бақылауға алуы керек, жеке жауапкершілікті кім көтереді? Тұжырымдаманы министрлік әзірледі, оның орындалуы әкімдіктерде жүргізілуде, ал бақылауды жалпы басқа орган жүзеге асырады. Осының барлығы бюджет қаражатының немқұрайлы жұмсалуына әкеліп соқты және жем берушіге айналды», – деді агенттік басшысы.

Оның айтуынша, агенттік субсидиялау жүйесінде тергеу жүргізетін болады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.