АӨК жыл сайын 100 млрд теңгеге кем қаржыландырылады – сарапшы

Қазақстанның агроөнеркәсіптік кешені мемлекеттік қолдауды барынша көп қажет етеді. Жыл сайын бюджеттен саланы дамытуға қаражат бөлінгенімен, ол үнемі шамамен 100 млрд теңгеге жеткіліксіз болып шығады. Қазақстан органикалық өндірушілер одағының директоры Арсен Керімбеков осындай пікір білдірді. Бұл туралы World of NAN порталы АПК-Информ агенттігіне сілтеме жасай отырып хабарлайды.

«Саланы дамытуға бөлінген бюджет қаражатының тұрақты өсу тенденциясына қарамастан (2020 жылы – 363,4 млрд теңге, 2021 жылы – 374,8 млрд теңге және 2022 жылы – 451 млрд теңге) ауыл шаруашылығы саласы жыл сайын 100 млрд теңгеден астам көлемде жеткілікті қаржыландырылмайды», – дейді Арсен Керімбеков.

Ол өсімдікті қорғау құралдарының, түрлі жабдықтардың, жемшөптің және т.б. бағасының жылдан-жылға еселеп өсіп жатқанын атап өтті, осының салдарынан саланың қаржылық қажеттіліктері толық жабылмай қалады.

«Кейінгі 10 жылда Ауыл шаруашылығы министрлігі бірнеше даму бағдарламаларын қабылдады, соған сәйкес тек ауыл шаруашылығы саласын субсидиялауға 2 триллион теңгеден астам қаражат бөлінді. Осыған қарамастан, ауыл шаруашылығының экономикадағы үлесі 5 пайыздан аспайды», - дейді сарапшы.

Ол бюджет қаражатының жетіспеуінен басқа, Қазақстанның агроөнеркәсіптік кешенінің дамуын тежейтін жүйелі проблемалардың қатарына мемлекеттік қолдау және шектеу шараларының белгісіздігін қосты (кейінгі 5 жылда саланы субсидиялау жүйесі 50-ден астам рет өзгертілген, агроөнеркәсіптік кешенде дәйекті мемлекеттік саясат және бұл мәселеде сабақтастық жоқ). Үкімет соңғы 3 жылда ауыл шаруашылығы өнімдерінің 15 түрін экспорттауға шектеулер енгізіп, бұл шешімдер пайда-зиянын сараламастан асығыс қабылданған. Сондай-ақ қаржылық ресурстардың жетіспеуі, ведомствоаралық үйлестірудің әлсіздігі және сату мәселесі үлкен проблема болып отыр.

«Мемлекет фермерлердің мәселесін шешуге және олардың өнімін өткізуге көмектеспейді. Ішкі нарықта контрафактілік тауарлардың болуы адал отандық өндірушілердің дамуына кедергі келтіреді. Сондай-ақ ірі сауда кәсіпорындары міндетті алымдарды, ретро-бонустарды, жарнама мен жеңілдіктер үшін үстемеақыларды, жеңілдіктерді және т.б. белгілейді. Ал делдалдар сатып алу бағасын төмендетіп, өздерінің реттелмейтін үстеме қосады, бұл тауарлардың қымбаттауына әкеледі», - деп атап өтті спикер.

Оның пікірінше, агроөнеркәсіптік кешендегі жүйелі мәселелерді шешу үшін мемлекет бірінші кезекте статистикадағы шынайылықты қалпына келтіруі керек, сонымен қатар ең алдымен бүкіл ел бойынша өндіріс циклін құруы керек. Тағы бір маңызды міндет – ауыл шаруашылығын биологизациялау.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.