Ақмола облысында сұлы жармасын шығаратын құны $6 млн зауыт іске қосылды

Ақмола облысының Покровка ауылында глютенсіз сұлы үлпектерін шығаратын кәсіпорын іске қосылды. Жобаны отандық «Baha-Söhne» компаниясы Ақмола облысы әкімдігі, KAZAKH INVEST және Швейцария елшілігінің қолдауымен швейцариялық «Buhler» концернімен бірлесіп жүзеге асырды. Кәсіпорынның құны 6 млн долларды құрайды. Бұл туралы World of NAN порталы KAZAKH INVEST баспасөз қызметіне сілтеме жасай отырып хабарлайды.

Зауыттың қуаттылығы сағатына 2 тонна сұлы жармасын өндіруге жетеді. Кәсіпорын жылына 25-30 мың тонна сұлы өңдей отырып, 15 мың тоннаға дейін сұлы жармасын шығара алады.

«2021 жылы Мемлекет басшысының қатысуымен өткен Қазақстан-Швейцария инвестициялық дөңгелек үстелі аясында «Baha-Söhne» ЖШС қазақстандық кәсіпорны швейцариялық Buhler AG концернімен бірлесіп жобаны жүзеге асыруда ынтымақтастық туралы құжатқа қол қойды. Импортты алмастыру саясатын ескере отырып, жоғары технологиялық еуропалық тәжірибені енгізу арқылы толық өндірістік циклге сәйкес осындай жобаларды құру ел үшін өте маңызды», - деп атап өтті «KAZAKH INVEST ҰК» АҚ Еуропа елдерімен ынтымақтастық бөлімінің басшысы  Анара Мекебаева.

«Baha-Söhne» ЖШС бас директоры Аманжол Әріпов зауыт өнімін Орталық Азия, Қытай және Кавказ елдеріне экспорттауды жоспарлап отырғанын айтты.

Бүгінгі таңда Швейцария Қазақстан Республикасындағы шетелдік инвесторлардың үштігіне кіреді. Buhler Holding AG – Швейцарияның Узвил қаласында орналасқан швейцариялық көпұлтты зауыт жабдықтарын өндіруші. Buhler зауыттар мен жабдықтармен және тамақ өнімдерін өңдеуге және алдыңғы қатарлы материалдар өндірісіне қатысты қызметтерімен танымал. Ол диірмендердің, жарма шығаратын тамақ фабрикаларының және шоколад фабрикаларының өндірісінде көшбасшы болып саналады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.