АШМ спорттық жылқыға субсидия беретін ереже әзірледі

Ауыл шаруашылығы министрлігі асыл тұқымды мал шаруашылығын дамытуды, мал шаруашылығының өнімділігі мен өнім сапасын арттыруды субсидиялау ережесінің жобасын әзірледі, деп хабарлайды World of NAN.

Жоба жылқы шаруашылығын қолдауға және дамытуға бағытталған субсидиялаудың үш жаңа бағытын қамтиды.

Оның ішінде асыл тұқымды тұқымдық орталықтардың спорттық бағыттағы қазақ жылқы тұқымының генетикалық қасиеттерін арттыру үшін шетелдік селекциялы асыл тұқымды айғырларды сатып алуы, спорттық бағыттағы қазақ жылқы тұқымының аналық басымен селекциялық-асыл тұқымдық жұмыс, спорттық бағыттағы қазақ жылқы тұқымын асырау шығындарын өтеу қарастырылған.

Министрліктің айтуынша, бұл өзгерістер асыл тұқымды қостанай жылқысын сақтап қалып, оның генетикалық әлеуетін көтеруге мүмкіндік береді.

Сонымен қатар жобада ауыл шаруашылығында пайдаланылатын елді мекендердің жерлері санатына ие Шымкент қаласының фермерлері үшін мемлекеттік қолдау алу мүмкіндігі көзделген. Осыған дейін Шымкент аумағындағы фермерлер субсидияға қол жеткізе алмағанына бірнеше мәрте шағымданған еді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.