Астана агломерациясында 63 агро-жоба іске асырылады

Астана қаласын дамытудың 2024-2028 жылдарға арналған кешенді жоспары қабылданды. Осы жоспарға сай қала агломерациясында 2029 жылға дейін 63 агроөнеркәсіптік жобаны іске асыру көзделген. Олардың жетеуі биыл аяқталуға тиіс. Бұл туралы World of NAN үкіметке сілтеме жасай отырып хабарлайды.

«Елорда – аймақтағы агроөнеркәсіптік кәсіпорындардың жақын маңдағы ең ірі сауда нарығы. Кешенді жоспарда жылыжай кешені, 2 көкөніс сақтау қоймасы, өндірістік кешен, 3 ірі қойма және логистикалық орталықтарды салуды қоса алғанда, 63 ірі жобаны жүзеге асыру көзделген. Оның 7-і пайдалануға беру сатысында, жыл соңына дейін пайдалануға беріледі. Ақмола облысының әкімдігімен Астана нарығында жұмыс істейтін инвесторлар үшін жер телімдерін басымдықпен бөлу туралы келісім жасалды», - дейді қала әкімі Жеңіс Қасымбек.

Кейінгі 10 жылда Астана қаласының халқы 46%-ға өсті, ал болжамды деректер бойынша 2035 жылға қарай 2,3 млн адамды құрайды. Бұл азық-түлік қауіпсіздігімен қамтамасыз ету үшін қала маңайына агроөнеркәсіптік жобалар көбірек қажет екенін білдіреді. Астана агломерациясында ауыл шаруашылығын дамыту өндірушілер үшін де табысты болады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.