Теміржол тасымалы: арпа мен майлы дақылдарды тасымалдау тарифі төмендеді

«Астық Транс» компаниясы арпа мен майлы дақылдарды тасымалдауға жеңілдіктер жариялады. Бұл жөнінде World of NAN ұйымның баспасөз қызметіне сілтеме жасай отырып хабарлайды.

«Алдағы егіс науқаны аясында Қазақстанда күтіліп отырған жоғары астық балансын ескеріп, сонымен қатар отандық астық өндірушілер мен өңдеушілерді қолдау мақсатында компания жеңіл салмақты жүктерді, атап айтқанда арпа мен майлы дақылдарды (зығыр, күнбағыс, соя, басқа да аталмаған майлы дақылдар) ішкі бағыттар бойынша тасымалдауға маусымдық жеңілдіктер ұсынады», - дейді компания өкілдері.

Ұйымның хабарлауынша, ұсынылып отырған маусымдық қысқарту компания вагондарының текше сыйымдылығын және осы жүктердің жеңіл салмағын ескере отырып, тасымалдаудың бәсекеге қабілеттілігін қамтамасыз етеді. Ал астық тасығыштарды қолдану жүк тиеу кезінде вагондарға арналған қосымша қаптамалар мен жабдықтардың құнын төмендетуге мүмкіндік береді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.