Ауыл шаруашылығы министрлігіне игерілмей жатқан жерлерді қайтарып алу құзіреті беріледі

Ашық НҚА порталына ауыл шаруашылығы министрлігіне қатысты Үкімет қаулысы жобасының түзетілген нұсқасы жарияланды. Жоба мәтінінде ауыл шаруашылығы министрлігіне берілетін құзіреттер тізімі жазылған. Олардың ішінде игерілмей жатқан жерлерді тартып алу құзіреті де бар деп хабарлайды World of NAN.

Премьер-министр Әлихан Смайылов былтырғы сұхбатында Қазақстанда 40 млн гектар игерілмеген жер бар екенін айтқан болатын. Олардың 95 пайызға жуығы — жайылым жерлер. Кәсіпкерлер жер тапшылығы мәселесін жиі көтергенімен, жекеменшікке тиесілі игерілмей жатқан жерлер де аз емес. Осыған дейін игерілмей жатқан жерді қайтарып алу жөніндегі комиссия құрылып, ауыл шаруашылық мақсатындағы жерлерге тексеріс жүргізе бастаған. Пайдаланылман жатқан жерді қайтарып алу құзіреті жергілікті атқарушы органдарға тиесілі еді.

Ашық НҚА порталындағы Үкімет қаулысының жобасында жерді қайтарып алудан бөлек, министрлікке басқа да бірнеше жаңа құзірет берілетіні жазылған. Атап айтқанда:

• агроөнеркәсіп саласындағы инвестициялық жобаларға несие беру саясатын әзірлеу және бекіту;
• шет мемлекеттермен өсімдік карантині саласындағы қарым-қатынасты дамыту;
• әлеуметтік маңызы бар азық-түлік тауарларына шекті бағаларды белгілеу жөніндегі шараларды қоспағанда, әлеуметтік маңызы бар азық-түлік тауарларына бағаларды тұрақтандыру тетіктерін іске асыратын мамандандырылған ұйымдардың тізбесін бекіту;
• ауылдық елді мекендерде және шағын қалаларда микрокредит беру қағидаларын әзірлеу және бекіту;
• егер құрылыс, пайдалы қазба кен орындарын игеру, объектілерді пайдалану, геологиялық барлау және басқа да жұмыстар Қазақстан Республикасының жер заңнамасын, жер пайдаланудың белгіленген режимін бұза отырып жүзеге асырылып жатса, сондай-ақ егер бұл жұмыстар сараптамадан өтпеген немесе теріс қорытынды алған жобалар бойынша жүргізіліп жатса, оларды тоқтата тұру;
• және т.б.

29 мамыр күні жарияланған Үкімет қаулысы жобасы 12 маусымға дейін қоғам талқылауына ұсынылып, кейін бекітуге жіберіледі.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.