Азық-түлік экспорттаушылардың 80 пайызы шағын және орта бизнес өкілдері

Сауда және интеграция министрі Арман Шаққалиевтың айтуынша, былтыр шикізаттық емес экспорт бойынша мақсатты көрсеткіштер орындалды. Бұл жөнінде World of NAN inform.kz сайтына сілтеме жасай отырып хабарлайды.

«2023 жылдың қорытындысы бойынша шикізаттық емес экспорт бойынша мақсатты көрсеткішке қол жеткізілді. Шикізаттық емес тауарлардың экспорттық позицияларының саны 278-ге (5732-ден 6010-ға дейін) өсті. 2019 жылдан бастап тұрақты белсенді экспорттаушылар саны 300 компанияға, яғни 460-тан 760-қа дейін өсті. Экспорт географиясы 135 елге дейін кеңейді (2022 жылы 129 ел болды). Азия елдеріне дайын өнімді жеткізу көлемі артты: Қытай – 8 пайыз, Оңтүстік Корея – 26 пайыз, Вьетнам – 46 пайыз», - деді А. Шаққалиев.

Оның айтуынша, агроөнеркәсіп кешені бойынша өңделген өнімдерді жеткізудің нақты көлемі, атап айтқанда ұн – 1,1 пайызға, күнбағыс майы – 55,5 пайыздан астам, сусындар – 42,8 пайызға өсті.

«Азық-түлік экспорты ерекше маңызды, өйткені азық-түлік экспорттаушылардың 80 пайызы шағын және орта бизнес субъектілері», - деді министр.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.