Былтыр Қазақстанның сүт өнімдері экспорты 33% азайды

2023 жылы Қазақстан сүт өнімдерін экспорттауды бірден 33%-ға немесе 25,2 мың тоннаға дейін азайтты. Оның жалпы көлемі 47 млн долларды құрады. Бұл жөнінде World of NAN порталы LS сайтына сілтеме жасай отырып хабарлайды.

2023 жылы йогурт, айран және басқа ашытылған сүт өнімдерінің экспорты аздап – 1,6%-ға (12,5 мың тонна) қысқарды. Бұл өнімдер Ресейге, Өзбекстанға, Моңғолияға, Арменияға және Грузияға жеткізілді.

Сүт пен кілегей экспорты үш еседен астам қысқарды (4,3 мың тонна). Ресейге – 2,6 мың тонна (-3,7 есе), Қырғызстанға – 624,7 тонна (-1,9 есе), Өзбекстанға – 581,1 тонна (-3,5 есе), Арменияға – 202 тонна (-24,2%) және Иранға – 57,5 ​​тонна сүт пен кілегей жөнелтілді.

Сары майды шетелге жеткізу де 2,3 есеге, яғни 1,6 мың тоннаға дейін қысқарған. Оны Ресей, Моңғолия және Иран елдері сатып алды.

Сонымен қатар, еліміз Қытай, Ресей, Ауғанстан, Мысыр және Қырғызстанға 1,4 мың тонна құрғақ және қоюландырылған сүт (-1,9 есе) сатты.

Бұл ретте ірімшік пен сүзбе экспорты, керісінше, 9,8%-ға (3 мың тонна) өсті. Бұл өнімдер Ресей, Қырғызстан, Армения, Моңғолия, Оңтүстік Корея елдеріне экспортталды.

Айтпақшы, 2023 жылы еліміздегі кәсіпорындар мен шаруашылықтар 1,2 миллион тонна сүт өнімдерін өндірген. Бұл 2022 жылмен салыстырғанда 1,8 пайызға артық.

Қазақстан сүт өнімдерінің экспортын қысқартып қана қоймай, импортты ұлғайтып та жатыр. 2023 жылы сүт өнімдерінің импорты 12,6 пайызға өсіп, 188 мың тоннаға жеткені хабарланды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.