Египет Қазақстан бидайын сатып алуды қаржыландыруға БАӘ-мен келіссіз жүргізіп жатыр

Қазіргі уақытта Мысыр үкіметі Абу-Дабидегі БАӘ (Біріккен Араб Әмірліктері) банктерінің бірімен Қазақстаннан бидай сатып алуға несие алу туралы келіссөздер жүргізіп жатыр.  Бұл туралы World of NAN порталы Reuters агенттігіне сілтеме жасай отырып хабарлайды.

Reuters агенттігіне осы келіссөздерден хабардар дереккөздің хабарлауынша, қазақстандық бидайды сатып алу бойынша несиелік келіссөздер әлі бастапқы кезеңде, дегенмен ол жүргізіліп жатыр. Атап айтқанда, бидайдың бағасы мен көлемі, сондай-ақ несиенің құны талқыланып жатыр. Қазақстан бидайы қазірдің өзінде Мысырдың бекітілген импорт көзі болып есептеледі, бірақ бұл елден астық әлі де өте сирек сатып алынатыны хабарланды.

Қазақстан бидайы өткен жылдан бері Мысырдың негізгі жеткізушісі болған Ресейден астықтың арзан баламасы бола алады деп күтіліп отыр. Бірақ нарықтағы ақпарат көздеріне сәйкес, жақында Ресей Федерациясы астықты бейресми минимумнан (тоннасына 270 доллар) төмен бағамен сатып алу туралы келісімге тосқауыл қойған.

Трейдерлердің айтуынша, GASC (Мысырдың мемлекеттік астық сатып алушы органы) Ресей үкіметі белгілеген бейресми ең төменгі бағадан да төмен болуы мүмкін бағаға Қазақстанмен келіссөздер жүргізіп жатыр. Сонымен бірге, олар Қазақстаннан бидай жөнелту логистикалық жағынан күрделі екенін, басқа елдер арқылы құрлықпен жөнелтуді қажет ететінін айтып, келісімге күмәнмен қарайды.

GASC әзірше бұл келісімге түсініктеме бермеді.

Жақында Мысыр үкіметі Абу-Даби экспорт кеңсесімен (ADEX) БАӘ-нің Al Dahra агробизнесінен импорттық бидайды сатып алу үшін 500 миллион доллар несиелік келісімге қол қойды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.