СҚО-да эпизоотиялық жағдай бақылауда

Мемлекеттік комиссия Солтүстік Қазақстан облысында құс тұмауы ошағында құс басын жою туралы шешім қабылдады, деп хабарлайды World of NAN АШМ баспасөз қызметіне сілтеме жасап.

ҚР АШМ Ветеринарлық бақылау және қадағалау комитеті төрағасының міндетін атқарушы Бауыржан Абызбаев бастаған республикалық комиссия Солтүстік Қазақстан облысы Мағжан Жұмабаев ауданы Лебяжье ауылындағы құс тұмауы бойынша қолайсыз пунктте болды. Онда эпизоотиялық жағдай зерттелді, су қоймасына мониторинг жүргізілді, ауруды жою ауқымы анықталды, халық арасында түсіндіру жұмыстары жүргізілді.

Инфекция ошағын дер кезінде және жедел оқшаулау және жою үшін елді мекеннің периметрі бойынша жырту жүргізілді, кіретін және шығатын автокөліктерді дезинфекциялау үшін дезинфекциялық бөгеуіл орнатылды. Эпизоотиялық тізбекті үзу мақсатында ошақтағы құстардың барлық басын жою туралы шешім қабылданды. Алынған және жойылған құстың иелеріне өтемақы толық көлемде төленетін болады.

Ресей Федерациясымен шекаралас аумақтарда жануарларды вакцинациялау үшін жоғары патогенді құс тұмауына қарсы 112,2 мың доза отандық дәрі-дәрмектер бөлінетін болады.

Эпизоотиялық жағдай бақылауда, облыстың басқа елді мекендеріне инфекцияның таралуына жол бермеу бойынша шаралар қабылдануда, вакцинация жүргізілуде, тірі құс пен құс шаруашылығы өнімдерінің қозғалысына бақылау орнатылды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.