ФАО әлемдік астық өндірісі бойынша болжамын жақсартты

Біріккен Ұлттар Ұйымының Азық-түлік және ауыл шаруашылығы ұйымының (ФАО) сарапшылары жүгері, күріш және бидай өндірісінің күтілетін өсімін ескере отырып, 2023/24 жылғы астық маусымы бойынша әлемдік астық өндірісінің болжамын жаңартып, оны 2,841 млрд тоннаға дейін жеткізді.

«Әлемдік астықты тұтыну 2023/24 жылы 2,828 млрд тоннаны құрайды деп күтілуде, бұл өткен маусыммен салыстырғанда 1,3% артық. Биылғы қаржы жылының соңында дүниежүзілік астық қоры 894 миллион тонна деңгейінде аяқталады деп болжануда, бұл жыл басынан 2,3% жоғары және әлемдік астық қорының тұтынуға қатынасының 31%-ын көрсетеді.

Сонымен қатар 2023/24 жылы жаһандық астық саудасы өткен маусыммен салыстырғанда 1,7% артып, 485 млн тоннаға дейін өседі, бұл негізінен ірі дәнді дақылдарды тасымалдаудың ұлғаюы есебінен, ал бидай мен күріш саудасы төмендеуі мүмкін деп болжанып отыр.

«ФАО сондай-ақ 2024 жылы әлемдік бидай өндірісі бойынша болжамын қайта қарады, ол қазір 796 миллион тоннаны құрайды, бұл өткен жылмен салыстырғанда 1% жоғары», - деп қосты сарапшылар.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.