Жер асты суын суармалы мақсатта пайдалануды арттыру көзделіп отыр

Су ресурстары және ирригация министрлігі егін алқаптарын суару үшін жер асты суларын пайдалану үлесін арттыруды жоспарлап отыр. Бұл жөнінде World of NAN ведомствоға сілтеме жасай отырып хабарлайды.

Бүгінде ауыл шаруашылығы тәулігіне 40 мың тоннадан астам су немесе республика бойынша жиналған жалпы су қорының 60 пайызын пайдаланады. Оның ішінде жер асты суларының үлесі 1,2% немесе тәулігіне 548 тоннаны құрайды.

Бірінші кезеңде экономикалық қисынды ескере отырып, ауыл шаруашылығындағы жер асты суларының үлесін 10-15 пайызға дейін жеткізу көзделуде.

Айта кету керек, Қазақстанда пайдалануға болатын жер асты суларының жылдық қоры тәулігіне 43 мың тоннадан асады. Оның тәулігіне 19 мың тоннасын ауыл шаруашылығында тиімді пайдалануға болады. Алматы, Павлодар, Шығыс Қазақстан және Жамбыл облыстарында суаруға арналған жер асты суларының мол қоры барланған.

«Суармалы жер көлемін ұлғайту үшін су үнемдеу технологияларымен қатар жер асты суларын да көбірек пайдалану қажет. Бұл ретте пайдалану кезінде шаруашылық-ауызсу қажеттіліктері үшін жер асты суларының қоры ескерілетін болады. Министрлік сондай-ақ суды үнемдейтін технологияларды пайдалана отырып, суару үшін жер асты суларын пайдаланатын су пайдаланушыларға субсидия беру және төмендетілген тарифтер түріндегі мемлекеттік қолдау шараларын енгізуді жоспарлап отыр», - деді Су ресурстары және ирригация министрлігі жер асты сулары департаментінің директоры Жайық Еріқұл.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.