Итальян агрохолдингі Қазақстан астығына инвестиция құюға дайын

Қазақстан Президенті әйгілі итальян ауыл шаруашылығы холдингі  Bonifiche Ferraresi ұйымының бас атқарушы директоры Федерико Веккиониді қабылдап, онымен ынтымақтастық перспективаларын талқылады. Бұл жайында World of NAN Ақордаға сілтеме жасай отырып хабарлайды.

Қасым-Жомарт Тоқаев Қазақстанның бидай өсіру бойынша көшбасшылардың қатарында екенін, Италияға бидайдың негізгі жеткізушілерінің бірі екенін және сонымен бірге ел ішінде астық өңдеу үлесін арттыруды жоспарлап отырғанын атап өтті.

Өз кезегінде Федерико Веккиони компанияның итальяндық технологияларды пайдалана отырып, дәнді дақылдарды өсіру және Қазақстанда одан әрі терең өңдеу, сондай-ақ мамандарды оқыту мен технологиялар трансферті бойынша жобаларды жүзеге асыру жоспарларын хабардар етті.

Мемлекет басшысы Үкімет тарапынан жан-жақты қолдау көрсетуге дайын екенін білдірді.

Сонымен қатар, итальяндық компанияға бау-бақша және тұқым шаруашылығын қарқынды дамыту бойынша бірлескен жобаларды жүзеге асыру мүмкіндігін қарастыру ұсынылды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.