Өткен 2023 жылы егіннің түсімділігі қалай өзгерді?

Жақында 2023 жылға арналған алғашқы қорытынды статистика жарияланды. World of NAN редакциясының талдаушысы 2023 жылы негізгі дақылдардың шығымдылығы мен түсімінің қалай өзгергенін қарастырды.

2023 жылы күрішті қосқанда 17,1 млн тонна дәнді және бұршақ дақылдары жиналды. Бұл 2022 жылмен салыстырғанда 22%-ға аз, бірақ 2021 жылға нәтижеден 4,4%-ға жоғары болды. Рас, 2021 жыл астық бойынша кейінгі 9 жылдағы ең нашар маусым болды, сондықтан 2021 жылға қатысты шамалы өсуді табысты немесе жақсы нәтиже деп атауға болмайды. Кейінгі 11 жылда 2023 жыл астық жинау бойынша екінші нашар жыл болды. Ал мұнда бидайдың сапасының төмендігін қоссақ, антирейтинг бойынша 2023 жыл 2021 жылдан алда екені сөзсіз.

Астық түсімділігінің төмендеуіне негізінен жалпы өнімі 26%-ға төмендеген бидайдың түсімі ықпал етті. Пайыздық қатынаста қара бидай (-70%), жарма қоспасы (-41%) және сұлы (-35%) бойынша өнімділіктің қатты төмендегенін байқауға болады. Арпа өнімділігінің құлдырауы соншалықты жоғары болған жоқ (-20%), тары мен қарақұмықтың да өнімділігі осы деңгейде кеміді. Күріш пен бұршақ дақылдарының жалпы өнімі сәйкесінше 12% және 16% өсті. Майлы дақылдар да 2023 жылы нашар өнім алды, төмендеу 28%-ға жетті. Бұл 2021 жылғы нәтижеден де төмен болып шықты. Сонымен қатар экспорттық кедендік баждың өсуі 2016 жылдан бергі ең нашар өнімге әкеліп соқтырған болуы мүмкін.

Көкөністердің жалпы өнімі 2021 және 2022 жылдардағыдай деңгейде болғанын атап өтуге болады. Ашық жерден 4,53 миллион тонна көкөніс жиналды. Қауын мен бақша дақылдарының түсімі айтарлықтай артты – 8,7%-ға өсіп, 2,6-дан млн тоннадан 2,8 млн тоннаға жетті. Жеке көкөністер ішінде 2023 жылы картоп жинаудың 7,2%-ға төмендеуін, және егіс алқаптарының 92%-ға - 9,7 мыңнан 18,7 мың гектарға дейін ұлғаюы аясында қант қызылшасының 67%-ға күрт өсуін атап өтеміз.

Басқа өнімдердің ішінде мақта (-9,4%), жаңғақ (-6,9%) және жүзім (-23%) жинаудың айтарлықтай төмендегені байқалады. Екінші жағынан, жемге арналған жүгері (+18%), жидек (+11%) және темекінің (+6%) жалпы өнімі айтарлықтай жақсы өсті.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.