24.07.2020
1 мин
382

Қазгидромет күзде фермерлерге арналған ауа райы қосымшасын іске қосатын болады

Қазгидромет күзде фермерлерге арналған ауа райы қосымшасын іске қосатын болады

Қазгидромет күзде фермерлерге арналған қосымшаны іске қосуды жоспарлап отыр. Бұл туралы метеорологиялық қызметтің директоры Данара Алимбаева Орталық коммуникациялар қызметінде өткен брифингте мәлімдеді.

«Бүгінгі таңда Қазгидромет, экология, геология және табиғи ресурстар министрінің тапсырмасы бойынша фермерлер үшін барлық мобильді құрылғылардан қол жетімді қосымшаны әзірлеуді бастады. Осы күзде ол көпшілікке қол жетімді болады», - деді Д.Алимбаева.

Ол бұл қосымша фермерлерге заманауи гидрометеорологиялық ақпараттарды алуды жеңілдететінін түсіндірді.

Сонымен қатар, спикер астық егетін ірі аудандардың бірі - Ақмола облысында шілде айының соңына  дейін жаңбырлы ауа райы сақталады деп мәлімдеді. Тамыз айында бұл аймақтарда қалыпты нормадан артық мөлшерде жауын-шашын түседі деп күтілуде (норма 20-41 мм).

«Кеш пісетін егінге нөсер  жақсы әсер ететін болады. Қазіргі уақытта дақылдардың піскендігі байқалады. Ерте пісетін астық үшін жауын-шашынның көп болуы екінші сабақтардың дамуына әкелуі мүмкін. Бұл өз кезегінде пісудің баяулауына алып келеді және дәннің ылғалдылығына әсер етеді, сондықтан оның сапасын төмендетіп, егін жинауды қиындатады», - деп түйіндеді ойын Данара Алимбаева.

Ақпарат көзі: eldala.kz