Бәйтерек холдингіне қолдау саясатын қайта қарауды тапсырды

ҚР премьер-министрі Олжас Бектенов «Бәйтерек» ұлттық басқарушы холдингіне отандық өндірушілердің қолдау шараларын қайта қарастыруды тапсырды. Бұл туралы World of NAN үкіметтің баспасөз қызметіне сілтеме жасай отырып хабарлайды.

Холдингтің еншілес ұйымдары экономиканың шикізаттық емес салаларының кәсіпорындарына жалпы сомасы 2,8 трлн теңге көлемінде қолдау көрсетті, бұл алдыңғы жылмен салыстырғанда 45%-ға артық. Квазимемлекеттік сектор субъектілеріне жатпайтын 71 мыңнан астам компания мен ұйымға 2,5 трлн теңге көлемінде қолдау көрсетілді. 2023 жылы АӨК саласын қаржыландырудың жалпы көлемі 665,2 млрд теңгені құрады. Холдингтің қолдау шараларының арқасында 6 мыңнан астам жаңа жұмыс орны құрылып, 3,8 трлн теңгенің өнімі шығарылды және қызметтер көрсетілді.

«Біз “Бәйтерек” холдингі және басқа да даму институттары арқылы экономиканың белгілі бір кәсіпорындары мен салаларын қолдауға қомақты қаражат бөліп отырмыз. Сондықтан барлық іс-шара елішілік құндылықтың артуына ықпал етуі керек. Егер біз кәсіпкерге қолдау көрсетер болсақ, ол Қазақстанда қазір импорттап отырған тауарлардың өндірісін жолға қою, жұмыскерлердің еңбек өнімділігі мен жалақы деңгейін арттыру, қосалқы мердігерлер немесе жеткізушілер ретінде отандық кәсіпорындарды тарту сияқты қарсы міндеттемелерді де өзіне алуы тиіс», — деді Олжас Бектенов. 

Сонымен қатар ол отандық тауарлардың үлесін түбегейлі арттыру бағытында «Бәйтеректің» сатып алу ережесін тезірек қайта қарауды тапсырды. Оның пікірінше, мемлекеттік қолдауға ие кәсіпорындар ел ішіндегі құндылықты үнемі арттырып отыруы керек.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.