Метеорологтар күздік бидайға қауіпті жағдай төнгенін айтты

Ақпан айының екінші онкүндігінде республиканың оңтүстігі мен оңтүстік-шығысында күздік дақылдар егілетін аудандарда тұрақсыз ауа райы болды, ауа температурасының ауытқуы 1-4ºС көтеріліп, минус 5°С дейін төмендеді; оңтүстік-шығыста жауын-шашын негізінен норма шамасында немесе одан жоғары, ал оңтүстігінде нормадан аз болды. Бұл жөнінде World of NAN «Қазгидрометке» сілтеме жасай отырып хабарлайды.

Елдің оңтүстігінде және оңтүстік-шығысында 1-3 күн бойы болған қарқынды жылымық күндізгі оң және түнгі теріс ауа температурасының минус 7...14ºС дейін және оңтүстік-шығыста минус 14...23ºС дейін, кей жерлерде минус 28...30ºС дейін ауысуы, нашар дамыған күздік бидай егістіктері үшін қауіпті болуы мүмкін (даму кезеңі: көктеу - 3-ші жапырақ).

Алматы, Жетісу облыстарының күздік бидай себілген аудандарында қар жамылғысының биіктігі 6-15 см-ден 17-28 см дейін болған, бұл өсімдіктерге қорғаныш әсерін тигізген. Қырғызсай және Талдықорған метеостанцияларының маңайларында қар жамылғысының биіктігі 6-8 см болған, бұл өсімдіктердің қысқы төзімділігіне теріс әсер етуі мүмкін.

Шымкент метеостанциясының маңайында онкүндіктің басында вегетацияның қайтадан өсіп-өнуі байқалса, ол онкүндіктің соңында ауа температурасының төмендеуіне байланысты вегетация аяқталған.

Алматы және Жетісу облыстарында топырақтың қату тереңдігі 34 см-ден 43 см дейін, Жамбыл және Түркістан облыстарында 5 см-ден 12 см дейін болған.

Күздік бидайдың түптену тереңдігіндегі (3 см) топырақтың минималды температурасы минус 4...8°С болған.

Өсімдіктердің қыстауына көбінесе қанағаттанарлық жағдай болған.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.