Миллион тонна жемдік бидай жайдан-жай ысырапқа ұшырайды

Өткен жылғы бидай түсімі мен оның сапасының төмендеуі аясында World of NAN редакциясының сарапшысы елдегі астық қорына шолу жасады.

1 наурыздағы жағдай бойынша, елімізде 10,5 миллион тонна астық бар, бұл азық-түлік қауіпсіздігі тұрғысынан өте жақсы көрсеткіш. Өткен жылы 2022 жылғы жоғары егіннің аясында 1 наурызда 11,9 миллион тонна болса, оған дейінгі 4 жыл ішінде наурыз айында елімізде 7,7-9,4 миллион тонна ғана астық қоры болып келген еді.

Бидайды жеке алып қарасақ, жағдайдың ұқсас екенін байқаймыз. Бидай қоры 8,4 миллион тоннаны құрайды, 2023 жылғы наурыздағы көрсеткіштен 1,4 миллион тоннаға аз, бірақ 2019-2022 жылдар кезеңімен салыстырғанда айтарлықтай жоғары. Тағы бір айта кетерлігі, бидайдың сапасы. Жемдік бидайдың қоры 1,5 млн тоннаны құрайды, дегенмен кейінгі 11 жылда оның көлемі орта есеппен 360 мың тоннаны ғана құраған. Яғни 1,1 миллион тонна жемдік бидайды келесі егінге дейін пайдалану (тұтыну, экспорттау) мүмкін болмаса, онда ол ысырапқа айналады.

Алайда азық-түлік бидайының көлемі 6 миллион тонна деңгейінде, бұл азық-түлік қауіпсіздігі тұрғысынан жаман емес. 2019-2022 жылдар аралығында наурыз айының басындағы орташа деңгей 5,3 млн тоннаны құраған еді. Яғни егіннің нашарлығынан сапалы бидай тапшылығына қауіп төніп тұрған жоқ. Бірақ тереңірек қазып қарасақ, бұған қандай шығынмен қол жеткізілгенін түсінуге болады.

2023 жылдың қарашасы мен 2024 жылдың ақпаны аралығында 2 миллион тоннаға жуық бидай экспортталды, дегенмен өткен жылдың сәйкес кезеңінде бұл көрсеткіш 2,8 миллион тоннаға жеткен. Жалпы бұл кезеңде бидай экспорттаушылар 376 миллион долларға аз табыс тапқан. Бұған бидайдың орташа бағасының 289 доллардан 216 долларға дейін төмендеуі де әсер етті. Қорытындылай келе, Қазақстанда бәріне дерлік жететін бидай қоры бар, бүкіл әлемде бағаның төмендеуі экспортқа тыйым салмай-ақ азық-түлік қауіпсіздігі жағдайын сақтап қалуға көмектесті.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.