Егіс жұмыстарын несиелендіруге қосымша 400 млрд теңге бөлінеді

Егіс жұмыстарын жеңілдетілген несиелендіруге 2024 жылы «Аграрлық несие корпорациясы» АҚ арқылы 140 миллиард теңге және «Азық-түлік корпорациясы» АҚ арқылы 40 миллиард теңге көлемінде бюджет қаражаты бөлінді. Бұл туралы World of NAN Ауыл шаруашылығы министрлігіне сілтеме жасай отырып хабарлайды.

Осы қаражатты ескерер болсақ, Ауыл шаруашылығы министрлігінің бағалауы бойынша, көктемгі дала жұмыстарын қаржыландырудағы тапшылық шамамен 1,3 триллион теңгені құрайды. Дегенмен үкімет егіс науқанын қаржыландыруға қолжетімділікті арттыруға күш салып келеді.

Мемлекет басшысының тапсырмасы бойынша көктемгі егіс жұмыстарын жүргізуге берілген несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.

Осы мақсаттарға үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ шаруалардың несиелеріне кепілдік беруге бағытталады.

Бұл тәсіл егін егу жұмыстарын жүргізу үшін шаруаларға жылдық 5 пайызбен дереу несие қаражатын беруге, сондай-ақ жеткілікті кепілдік болмаған жағдайда несие сомасының 85 пайызына дейін кепілдік беруге мүмкіндік береді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.