10 желтоқсанда жылыжайларды субсидиялаудың жаңа ережесі күшіне енеді

Ауыл шаруашылығы министрлігі басым өсімдік бағыттары шеңберінде жылыжайларды субсидиялау қағидаларына өзгерістер енгізді. Бұл туралы World of NAN порталы ведомствоға сілтеме жасай отырып хабарлайды.

Жаңа түзетулер маусымаралық кезеңде субсидиялау мөлшерлемелері бойынша 1 гектарға шығындарды (электр энергиясы, газ, көмір үшін) субсидиялауды көздейді. Басым өсімдіктердің тізбесін және субсидиялау нормативтерін жергілікті атқарушы органдар бекітуге тиіс.

Бүгіннен бастап Түркістан облысы мен Шымкент қаласының әкімдіктері өндірістік және шаруа қожалықтарының жылыжайларын осы жылға субсидиялау көлемі мен нормативтерін бекітті. Жергiлiктi атқарушы органдардың қабылданған стандарттары Субсидиялаудың бiрыңғай мемлекеттiк ақпараттық жүйесiнiң (СБМАЖ) деректер базасына енгiзiлдi. Өтініштер 2023 жылдың 20 желтоқсанына дейін ашық.

Міндетті талап - өндіріс технологияларына сәйкестік сертификатының (есептің) болуы. Сертификат алуға қатысты туындаған барлық сұраққа ҚР Сауда және интеграция министрлігінің Техникалық реттеу және метрология комитетіне хабарласуға болады. Стандарт new-shop.ksm.kz сайтында орналастырылған.

Бұл ретте Ауыл шаруашылығы министрлігі инвестициялық субсидиялау аясында жылыжай кешендерін салу және кеңейту жобаларын іске асыру кезінде үлесті 25%-дан 30%-ға дейін арттыру бөлігінде тиісті өзгерістер енгізді. Бұл өзгеріс 2023 жылдың 10 желтоқсанында күшіне енеді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.