Қазақстанның ауыл шаруашылық өнімдері париждіктердің таңдайын қақтырды

Қазақстан Франциядағы SIA ірі халықаралық ауыл шаруашылығы көрмесінде сәтті дебют жасады. Өндірушілер 100-ге жуық өнім түрін ұсынып, келушілердің жоғары бағасын алды. Бұл туралы World of NAN 24.kz сайтына сілтеме жасай отырып хабарлайды.

Халықаралық көрмеге 600 мыңнан астам қонақ келеді. Ал іс-шараның тарихында тұңғыш рет Қазақстанның ұлттық стенді таныстырылды.

«Әдемі витриналар, Қазақстанда жасалған өте сапалы өнімдер. Көптеген адам өзіне бұл елдің үлкен мүмкіндіктері мен үздік өнімдерін ашатынына сенімдімін», - деді Франция сенаторы Надия Сологуб.

Стенд француз компанияларына Қазақстан өнімдерімен жақынырақ танысуға мүмкіндік береді. Органикалық бал, шоколад, мақсары майы және қара уылдырық париждіктердің ерекше қызығушылығын тудырды.

«Біздің өнімге қатты қызығады, себебі ол суық сығымдалған және тазартылмаған. Француздар нәзік дәмді бағалайды, көптеген адам оны сатып алғысы келеді. Өкінішке қарай, сата алмаймыз. Аз үлгілер әкелінді. Біз өзіміз Жамбыл облысында, Бірлік ауылында орналасқанбыз. Біз француз нарығын бағындырамыз деген үміттеміз», – дейді сары май өндіруші Марина Фетисова.

Еуропа Қазақстанды мұнай, газ және минералды ресурстар бойынша жақсы біледі, бірақ ауыл шаруашылығы туралы іс жүзінде ештеңе білмейді. Сондықтан көрмеге қатысу арқылы бұл олқылықтың орны толықтырылып, қазақстандық өнім Франция нарығында өз орнын алуы мүмкін.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.