Ветеринарлық қызметті хабарламай ІҚМ тасымалдау бруцеллездің таралуына әкеледі

Солтүстік Қазақстан облысы әкімдігінің отырысында өңірдегі ветеринариялық-санитариялық қауіпсіздікті қамтамасыз ету мәселелері қаралды. Атап айтқанда, бруцеллез, құс тұмауы, құтыру бойынша жағдай талқыланды, деп хабарлайды World of NAN «ҚазАқпарат» ХАА-ға сілтеме жасап.

Ветеринария басқармасының басшысы Берік Әлжанов жалпы облыс бойынша аса қауіпті аурулар бойынша тіркелген қолайсыз пункттердің 2020 жылғы 65-тен қазіргі 19-ға дейін азайғанын хабарлады. Өткен жылы өңірде 955 бас ірі қара малда бруцеллез анықталған, ал биыл – 418-де. Қазір облыста бруцеллез бойынша қолайсыз елді мекендер екі есе аз – барлығы алты.

Облыс әкімі Құмар Ақсақалов бруцеллездің таралуының негізгі себебі мал әкелу кезіндегі бұзушылықтар болып табылады деп есептейді.

«Бірқатар аудандарда бруцеллез ауруының өсуі байқалады: Қызылжар – 99 бас, Есіл – 89, Шал ақын – 26. Әрбір жағдай бойынша тергеу жүргізілді. Негізгі себеп жануарларды ветеринарлық қызметке ескертусіз жылжыту болып табылады. Басқа өңірлерден әкелінеді. Әкелінген малдар арасында жағдайлар болды. Мысалы, мамыр-маусым айларында Айыртау ауданына Маңғыстау облысынан 401 бас ІҚМ әкелінді. Карантинге қойылды. 35-те бруцеллез расталды, 23-те-күмәнді нәтижемен талдама анықталды. Барлық 58 бас санитарлық союға жіберілді. Мұндай жағдайларды көп айтуға болады деп ойлаймын», - деді К. Ақсақалов.

Құс тұмауы биыл М.Жұмабаев ауданының Лебяжье ауылында тіркелді. Әрі қарай инфекция таралмады. Барлығы 2 128 құс жойылды. Иелеріне нарықтық құны бойынша өтемақы төленеді. Алдын алу мақсатында вакцинацияланатын болады. Вакцинаның 1,2 миллион дозасын бөліп, тағы 112 мың дозаға өтініш берді. Облыс бойынша барлығы 977 мыңнан астам құс егілді. Құс фабрикаларында барлық мал басы егілді. Б.Әлжановтың айтуынша, биыл жануарлар арасында құтыру ауруына күдік 35 жағдайға дейін артты. Диагноз 11 жағдайда расталды. Инфекция көзі жабайы етқоректілер болды. Алдын алу мақсатында 45,3 мың бас ауыл шаруашылығы және үй жануарлары егілді. Басқарма ауыл шаруашылығы министрлігіне қараша мен желтоқсанда қауіпті аймақтарда жануарларды вакцинациялау үшін қосымша 108 мың доза вакцина алуға өтініш жіберді.

«Құтырудың таралу қаупін қаңғыбас иттер мен мысықтар тудырады. Соңғы уақытта жануарларды қорғау жөніндегі қоғамдық бірлестіктер мен азаматтық қоғамдастықтар тарапынан қолданылатын әдістердің адамгершілігі мен ережелерді бұзуға қатысты өтініштер мен шағымдар жиілеп кетті. Ауланған қаңғыбас иттер мен мысықтарды уақытша ұстауға арналған мамандандырылған мекеменің болмауы аулау бойынша жоспарлы жұмысқа кедергі болып табылады. Сондықтан ветеринарлық қызмет халықтың өмірі мен денсаулығына қауіп төнген жағдайда азаматтардың өтініштері бойынша қаңғыбас иттер мен мысықтарды аулау және жансыздандыру жұмыстарын жүргізеді», – деді Б.Әлжанов.

Қорытындылай келе, облыс әкімі ветеринарлық бақылау барынша қатаң болуы тиіс екенін атап өтті.

«Әлемдегі жағдай оңай емес. Бұл туралы адамдарға хабарлап отыру керек. Вакцинацияны талап ету қажет. Оның үстіне қосалқы шаруашылықтар үшін бұл тегін. Облыста мал басы өсіп, фермалар салынуда. Ветеринарлық бақылау қатаң болуы керек. Жұмыс жақсы деңгейде болуы керек. Бір нәрсені жіберіп алсақ, үлкен шығынға тап боламыз», - деп атап өтті Қ.Ақсақалов.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.