Субсидиялаудағы түзетулер: фермерлер президентке баруға дайын

2023 жылдың қыркүйегінде Ауыл шаруашылығы министрлігі субсидиялау ережесіне өзгертулер енгізді. Өзгертулер фермерлердің жемшөп сатып алуға субсидия алу шарттарын нашарлатты. Бұл туралы World of NAN Ұлттық Кәсіпкерлер Палатасына сілтеме жасай отырып хабарлайды.

Мемлекеттік қолдауды алу гидрометеорологиялық қызметпен расталған төтенше жағдай жарияланған немесе облыста ірі мал азығын дайындауға кері әсер еткен қалыпты емес ауа райы жағдайлары туындаған жағдайда ғана мүмкін болды. Диқандар құрғақ аймақтар үшін бұл тармақты алып тастау туралы ұсыныстар жасады. Алайда Ауыл шаруашылығы министрлігі құлақ аспай, тек сүт-тауарлы фермалардың сұранысын ескерген. Ал ет секторы ше?

«Бұған дейін бұл субсидияларды барлық фермерлер ала алатын. Олар жергілікті бюджет есебінен шығарылды. Енді түзетулерде ауыл шаруашылығы субъектілеріне субсидия «Қазгидромет» РМК жергілікті филиалының Атырау, Маңғыстау және Қызылорда облыстарындағы сүт-тауарлы фермаларды қоспағанда, субсидия көрсетілген мерзімге жем сатып алу үшін қолайсыз жағдайлардың бар екендігі туралы анықтамасы негізінде берілетіні айтылған. Өздеріңізге белгілі, біздің облыста «Первомайский БК» ЖШС ғана сүт-тауарлы ферма болса, қалған 99 пайыз ауыл шаруашылығы субъектілері ет бағытында. Демек, қалғандары мемлекеттік қолдауға ие бола алмайды, бұл олардың дамуына кері әсерін тигізетіні сөзсіз. Сондықтан осы критерийді белгілеп, Атырау облысының құрғақ аймақта орналасқан агроөнеркәсіп кешенінің барлық субъектілеріне субсидия беруді ұсынып отырмыз», - деді Атырау облысы Кәсіпкерлер палатасы жанындағы Агроөнеркәсіптік және азық-түлік кешені салалық кеңесінің төрағасы Мұрат Сарманов.

Жиын барысында шаруалар бұл түзетулерді облыстың барлық ауыл шаруашылығы саласы үшін апат деп атады. Олардың айтуынша, қазір ауыл шаруашылығы саласы мемлекет тарапынан үлкен қолдауға мұқтаж. Олар агроөнеркәсіптік кешеннің барлық субъектілері үшін субсидиялардың қолжетімділігін қамтамасыз ету мақсатында тиісті министрлікке, үкіметке, тіпті ел Президентіне де хабарласуға дайын екендіктерін жеткізді.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.