Қытайға сүт өнімдерін Қазақстандық алты компания шығаратын болады

Қазіргі уақытта Қазақстандағы алты сүт өңдеу кәсіпорны сертификатталған және олардың өнімдерін Қытайға экспорттауға құқық беретін тізілімге енгізілген. Бұл туралы QazTrade сауда саясатын дамыту орталығы хабарлады.

Әлемдегі сүт өңдеушілер үшін Қытай өзінің үлкен нарығымен тартымды болып табылады. 2019 жылы ол 63 миллиард долларды құрады, ал 2024 жылға қарай ол 84 миллиард долларға дейін өседі. 2019 жылы Қытайда сүттің орташа бағасы 100 кг үшін 54,5-56,4 долларды құрады (майы - 3,85%, ақуызы - 3,27% болатын сүт).

Қытайдың өз өндірісі ішкі сұранысты қанағаттандыра алмайды, ал 2019 жылы импорт құны 10,65 миллиард долларға жетті (2018 жылмен салыстырғанда 14,8% артық).

2019 жылы Қытайға сүт өнімдерінің негізгі импорттаушылары 57,2% ($3 млрд 394 мың) үлеспен Жаңа Зеландия және 9,2% ($543 мың) Австралия болды. Сондай-ақ ірі жеткізушілер қатарында Франция - 6,6% ($ 391 мың) және Германия - 6,5% ($ 388 мың) болды.

Қазақстандағы сүт өндірісіне келетін болсақ, оның көлемі 2019 жылы 5 миллион 820 мың тоннаны құрады. Шығыс Қазақстан облысы (570 мың тонна), Түркістан (472,5 мың тонна) және Алматы (470 мың тонна) облыстары көшбасшы болды.

Қазақстаннан сүт өнімдерінің экспорты 2019 жылы ақшалай түрде 53,5 млн долларды құрады, негізгі сатып алушылар Ресей болды - 79,4% (42,502 мың доллар), Қырғызстан - 7,6% (4,090 мың доллар), Моңғолия - 5,5 % (2,951 мың доллар), Өзбекстан - 4,9% (2,621 мың доллар).

Қазақстан Республикасы Ауыл шаруашылығы министрлігі мен ҚХР Бас кеден басқармасы арасындағы белсенді ынтымақтастықтың нәтижесінде Foodmaster (Алматы), Eurasia Invest (Қарағанды), Golden Camel Group (Түркістан), Лидер-2010 (Рудный), Gormolzavod (Көкшетау), Daulet-Beket (Талдықорған) Қытайға сүт өнімдерін экспорттау құқығын алды.  

PWC мәліметтері бойынша, Қытай нарығында сүт өнімдерін тұтыну белсенді түрде өсіп келе жатқан тағамдар - бұл йогурттар (17,3%) және ірімшіктер (10,4%) болып отыр.

Ақпарат көзі: eldala.kz

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.