Президент: біз апортты әлемдік нарыққа шығарғымыз келеді

Италияда ресми сапармен жүрген Мемлекет басшысы Қасым-Жомарт Тоқаев Римдегі БҰҰ Азық-түлік және ауыл шаруашылығы ұйымының (ФАО) штаб-пәтерінде болды. Бұл туралы World of NAN Ақордаға сілтеме жасай отырып хабарлайды.

Мемлекет басшысы ФАО бас директоры Цю Донгюмен кездесуінде оған Алматы апортының жемісін табыс етті.

«Қазақстан алманың отаны ретінде кеңінен танымал. Апорт алмасы еліміздің ең ірі мегаполисі Алматының маңында өседі. Біз осы сортты әлемдік нарыққа шығару үшін бірлесіп жұмыс істеуді көздеп отырмыз. Мен бұл бастаманы ілгерілетуде сіздердің жеке қолдауларыңызға сенемін», - деді Мемлекет басшысы.

Қасым-Жомарт Тоқаев сондай-ақ ФАО-ны Арал бассейніндегі мелиорация және су ресурстарын басқару жобаларын әзірлеуге қолдау көрсетуге шақырды. Ол сондай-ақ Қазақстанда Орталық Азия ұйымының субөңірлік кеңсесін құруды ұсынды.

Азық-түлік және ауыл шаруашылығы ұйымының бас директоры Қазақстанның жаһандық азық-түлік қауіпсіздігін қамтамасыз етудегі, аймақта ғана емес, бүкіл әлемде гуманитарлық көмек көрсетудегі маңызды рөлін атап өтті.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.