Жамбыл облысында минералды тыңайтқыштар өндірісі іске қосылады

Минералдық-химиялық «ЕвроХим» компаниясы мен Қытайдың «China National Engineering Company» арасында келісім жасалды. Бұл туралы World of NAN өнеркәсіп министрлігіне сілтеме жасай отырып хабарлайды.

Келісімшарт Жамбыл облысының Жаңатас қаласында химиялық кешен құрылысын жүргізу және оны пайдалануға беруді көздейді. Жоспарланған минералды тыңайтқыштар шығаратын зауыттың қуаттылығы жылына кемінде миллион тоннаға жетеді.

«ЕвроХим» компаниясының Қазақстандағы инвестициялық жобасы 3 кезеңде жүзеге асырылады, химия кешенін құру оның соңғы қадамы. Жалпы инвестиция көлемі бір миллиард долларды құрайды.

«Азық-түлік қауіпсіздігі жер мен судың болуымен басталмайды. Бұл оның негізгі тірегі, бірақ шын мәнінде азық-түлік қауіпсіздігін қамтамасыз ету үшін тыңайтқыштар қажет. Сондықтан бұл біз үшін өте маңызды жоба. Біз оны «ЕвроХим» және қытайлық серіктестермен бірлесіп жүзеге асырып жатырмыз. Бұл өте үлкен Еуразиялық ынтымақтастықтың ең жақсы үлгісі. Және бұл өңірдің азық-түлік қауіпсіздігі үшін өте үлкен оқиға», – деп атап өтті Қанат Шарлапаев.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.