Қазақстан мен Ресей бір-біріне мал шаруашылығы нарықтарын ашты

2024 жылдың 15 қаңтарынан бастап Ресей Федерациясы Қазақстаннан мал шаруашылығы өнімдерін әкелуге қойылған шектеулерді алып тастады. Қазақстан тарапы да 16 қаңтардан бастап Ресейдің 26 өңірінен келетін тауарларға шектеуді алды, деп хабарлайды World of NAN.

Шешім Қазақстан Республикасы мен Ресей Федерациясының Ауыл шаруашылығы министрлері Айдарбек Сапаров пен Дмитрий Патрушев арасындағы желтоқсандағы келіссөздер барысында қол жеткізілген уағдаластықтардың нәтижесінде қабылданды.

2022 жылдың қаңтарында Қарағанды облысында аусыл ауруының пайда болуына байланысты Ресейге қазақстандық өнімнің импорты шектелген болатын. Ауыл шаруашылығы министрлігінің хабарлауынша, алайда 2 жылдық үзілістен кейін Дүниежүзілік жануарлар денсаулығы ұйымының вакцинациясымен ресми қолайлы аймақ мәртебесіне ие Қазақстанның аймақтарынан алынған мал шаруашылығы өнімдерін жеткізуге нарық қайта ашылды.

Келісім аясында Ресейге сиыр еті, қой еті, шошқа еті, сүт және сүт өнімдері, сондай-ақ өзге де ет өнімдерін экспорттау қолжетімді.

Былтыр Қазақстан тарапы да Ресейге қарсы шектеулер енгізген еді. Ветеринариялық бақылау және қадағалау комитеті Ресейдегі аусыл, құс тұмауы, нодулярлық дерматит, қой мен ешкідегі шешек ауруларына байланысты бірқатар тауарды импорттауға тыйым салған болатын.

Emeat.ru сайтының жазуынша, енді ресейлік өндірушілер де Қазақстан нарығына тірі мал мен құсты, ет, сүт және құс өнімдерінің барлық түрлерін, дайын өнімдерді, инкубациялық жұмыртқаларды, генетикалық материалды, құстар мен тірі жануарларға арналған жемшөп пен жемшөп қоспаларын, азық-түлік емес және өңделмеген былғары шикізатын және сойылған малдан алынған өнімдерді алып кіре алады.

Қазақстанның мал шаруашылығы өнімдерінің Ресейге жасалатын экспорты ол жақтан келетін импортқа қарағанда азырақ екенін айта кеткен жөн.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.