Қазақстанда ет өнімдерінің тым молдығы қалыптасып отыр – Ет одағы

Қазақстан ет одағы нарықта ет өнімдерінің ұсынысы сұраныстан артық екенін мәлімдеп отыр. Осыған орай олар тірі малды экспорттауды квоталау мәселесін қайта қарастыруды сұрайды. Бұл туралы World of NAN порталы Сауда және интеграция министрлігінің баспасөз қызметіне сілтеме жасай отырып хабарлайды.

Дүйсенбі күні Сауда және интеграция мәселелері жөніндегі Қоғамдық кеңестің кезекті отырысы өткен болатын. Осы отырыста Қазақстанның ет одағының қауымдастығы тірі мал экспортын квоталау тетіктері мәселесін көтерді. «Ет одағының» атқарушы директоры Асқар Жұбатыровтың айтуынша, қазіргі уақытта нарықта ет өнімдерін ұсынудың көптігі байқалады.

«Біз квотаның жалпы санын анықтауды есептеу әдістемесін қайта қарауды сұраймыз, өйткені бөлінген көлем тірі мал экспортының нақты мүмкіндігіне сәйкес келмейді. Сараптамалық есептеулер бойынша бұл көрсеткіш 200 000 ірі қара мал басына тең. Дұрыс бөлінген квоталар ІҚМ ет тұқымдарын бордақылау бойынша нақты жұмыс істейтін кәсіпорындардың тиімділігін арттыруға, олардың рентабельділігін арттыруға және Қазақстанның ет саласының дамуына оң әсер етуге мүмкіндік береді», - деп хабарлады Асқар Жұбатыров.

Бұл мәселені Ауыл шаруашылығы министрлігіне барып талқылау және өндіріс пен тұтыну теңгерімін есептеу негізінде шешім шығарып, қорытындысы бойынша мәселені ведомствоаралық комиссияның отырысында қайта көтеру ұсынылды.

Осыған дейін хабарланғандай, Қазақстанда тірі малды экспорттауға квота енгізілген болатын. Тірі бұқаларды экспорттаудың сандық шегі – 60 мың бас, қошқарлардың шегі – 120 мың бас. Фермерлер бұл шектеулердің мағынасын көрмей отыр.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.