Қазақстанда халал-аккредиттеу енгізіліп жатыр

Ұлттық аккредиттеу орталығы отандық сапа жүйесі тарихында Халал сертификаттау жөніндегі органның өнімдерін өндіру процесі мен қызметтеріне аккредиттеу жүргізуге алғашқы өтінімді қабылдады. Бұл туралы World of NAN порталы Сауда және интеграция министрлігіне сілтеме жасай отырып хабарлайды.

Бүгінгі таңда бағалау тобы құрылып, оның құрамына Қазақстан мұсылмандары діни басқармасының өкілі кірген. Аккредиттеу туралы заңда, ұлттық стандарттарда және ҰАО рәсімдік құжаттарында белгіленген тәртіпке сәйкес әлеуетті Халал СРО аккредиттеу бойынша жұмыстар басталған екен. Сауда министрлігінің баспасөз қызметі таратқан ақпарат бойынша, алғашқы аккредиттеу нәтижелері туралы айту әлі ерте болса да, бұл еліміз үшін маңызды оқиға болып саналады.

Қазақстандық Халал өнімдері мен қызметтерінің SMIIC халықаралық стандарттарына сәйкестігіне аккредиттелген сертификаттау – Қазақстанда, сондай-ақ Халал сегментінде адал сертификаттауға сұраныс тұрақты өсіп келе жатқан сауда серіктес мемлекеттерде сұранысқа ие жаңа бағыт.

Бұдан басқа, қазақстандық Халал сертификаттау органдарының өз мәртебесін көтеруге және аккредиттелген сапада жұмыс істеуге дайындығы көрсетілді, бұл тұтынушылар тарапынан сараптама деңгейін және Халал сертификаттарына деген сенімді айтарлықтай арттырады.

«Осылайша, Қазақстанда бүкіл әлемдегі дамудың перспективалы бағыттарының бірі – Халал сапасының ұлттық жүйесін құру бағытында алғышарттар қалыптасып, нақты қадамдар жүзеге асырылуда. Сондай-ақ, аккредиттелген сертификаттаудың мақсаты – мүдделерді қорғау, тұтынушылардың қауіпсіздігін қамтамасыз ету, ал Халал өнімдеріне қатысты – дінге сенушілердің рухани құндылықтарын сақтау», –  делінген министрлік хабарламасында.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.