Қазақстанда мал азығын өндіру көлемі зоотехникалық нормадан екі есе төмен

Жем-шөп базасының жетіспеуі еліміздегі сүтті мал шаруашылығының дамуын тежейтін негізгі фактор болып отыр. Бұл жөнінде World of NAN порталы үкіметтің баспасөз қызметіне сілтеме жасай отырып хабарлайды.

Жалпы республика бойынша мал азығын өндіру көлемі зоотехникалық норма бойынша талап етілгеннен 2 есе аз. Бұл сауылатын сүт мөлшерінің төмен болуына, сүттің өзіндік құнының қымбатырақ болуына ықпал етеді.

Егіс алқаптарындағы жемшөп дақылдарының үлесі ғылым ұсынған 30%-ға қарағанда аз, шамамен 13,4% құрайды. Сондықтан Қазақстандағы сүт өндірісінің негізгі бөлігі маусымдық сипатқа ие, яғни өндіріс жазғы мезгілде жайылымдық жердің шөбін пайдалана отырып жүзеге асырылады. Бұл маусымаралық кезеңде қайта өңдеу кәсіпорындары үшін шикізат тапшылығына әкеледі.

Сүт өндірісінің тұрақтылығына тек мықты жем-шөп базасымен қамтамасыз етілген және сүтті сиырларды жыл бойы қорада ұстайтын сүт-тауарлы фермаларында ғана қол жеткізіледі. Үкіметтің хабарлауынша, 2023 жылы 2020 жылмен салыстырғанда республикада жемшөп дақылдарының алқабы 100 мың гектарға немесе 3,1-ден 3,2 млн гектарға ұлғайды. Олардан алынатын жалпы өнім 2020 жылғы 4,6 млн тоннадан 2022 жылы 4,9 млн тоннаға дейін өсті.

Саланың қажеттілігін толық қамтамасыз ету үшін ҚР Үкіметі 2023-2025 жылдарға арналған жемшөп өндірісін дамыту жөніндегі жол картасын іске асырып жатыр. Ол 2025 жылға қарай жемшөп дақылдарының егіс алқабын тағы 200 мың гектарға ұлғайтып, 3,3 млн гектарға дейін жеткізуді көздейді. Үкімет жоспары қаншалықты орындалғанына бірнеше жылдан кейін куә боламыз.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.