Қазақстандық ғалымдар арпаның жаңа сортын ұсынды

Қарабалық ауылшаруашылық тәжірибелік станциясы пішен жасау үшін сәтті өсіруге болатын жаздық арпаның жаңа сортын ұсынды. Бұл туралы World of NAN тәжірибелік станцияға сілтеме жасай отырып хабарлайды.

Жаздық арпаның «Великан» сорты орта маусымдық топқа жатады. Вегетациялық кезеңі – 76 күн. Сорт құрғақшылыққа төзімді, жауын-шашынның ұзақ уақыт болмауына және ыстық температураға төтеп бере алады. Сабақтары биік. 1000 дәннің салмағы 52,3 грамм.

«Бұл ең алдымен мал шаруашылығымен айналысатын шаруашылықтарға ұсынылатын жемдік сорт. Астықтың жоғары өнімділігімен қатар, сорт пішен өндіруде жақсы қолданыла алады. Тәжірибе ретінде 2023 жылдың шілде айының басында пішен алу үшін «Великан» сорты егілді. Нәтижесінде шөп шығымы 51 центнер/га, ал көпжылдық шөптер 5,1 центнер/га болды», - деп, тәжірибелік станция Instagram парақшасында хабарлаған.

Сонымен қатар, Ұлттық аграрлық білім беру орталығы баспасөз қызметінің хабарлауынша, Қарабалық ауылшаруашылық тәжірибе стансасы жаздық арпаның «Қайрат» жаңа сортын шығарған. Сорт орта маусымдық топқа жатады, вегетациялық кезең 67-70 күн. Кейінгі екі жылда бәсекеге қабілетті сорт сынау кезінде орташа өнімділік 27,3 ц/га құрады, бұл нормадан 3 центнерге жоғары.

«Қайрат» сорты да құрғақшылыққа төзімді. Дәні орташа ірілікте, 1000 дәннің салмағы 42-44 грамм. Астық сапасы жақсы. Бұл сорттың сабаны жақсы әрі күшті, бұл оның малға таптырмас азық болуына жағдай жасайды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.