Қазақстанның Даму Банкі АӨК және тағам өнеркәсібіне ₸500 млрд бөледі

«Қазақстанның Даму Банкі» АҚ («Бәйтерек» холдингінің еншілес құрылымы) АӨК, тағам және сусын өндірісі секторын қолдаудың 2024-2029 жылдарға арналған жаңа бағдарламасын іске қосты. Бұл жөнінде World of NAN ұйымның баспасөз қызметіне сілтеме жасай отырып хабарлайды.

Қаржыландырудың жалпы көлемі 500 млрд теңгені құрайды. Бағдарламаның негізгі мақсаты – импортты алмастыру және экспортты кеңейту мақсатында ауыл шаруашылығы өнімдерін қайта өңдеуге бағытталған инвестициялық жобаларды қолдау.

Қазіргі сәтте осы бағдарлама аясында екі инвестициялық жоба мақұлданған. Бұлар ет өндіретін құс фабрикасы және қапталған тазартылған өсімдік майын өндіру үшін май зауытын жаңғырту. Сонымен қатар банк қарауында бидай, жүгері дәндерін терең өңдеу, ет өндіретін құс фабрикаларын дамыту, жылыжай кешенін салу және кондитерлік фабриканы кеңейту, экспорттық агроөнеркәсіптік кластерді қалыптастыру бойынша бірқатар жобалар бар.

АӨК және тағам өнеркәсібі саласындағы жобаларды қаржыландыруды ұсыну шарттары:

• Қаржыландыру сомасы – 3 млрд теңгеден бастап.
• Қарыз мерзімі – 5 жылдан 20 жылға дейін.

Бұдан басқа, АӨК және тағам өнеркәсібін қайта өңдеу саласындағы ірі жобаларды іске асыру мақсатында ҚДБ жобаларды Екінші деңгейдегі банктермен, сондай-ақ шетелдік және халықаралық қаржы институттарымен бірлесіп қаржыландыруға мүдделі.

Kdb.kz мекенжайы бойынша Банктің ресми сайтында немесе Клиенттермен жұмыс жасау дирекциясына хабарласу арқылы бағдарламаның шарттары туралы толық ақпарат алуға және өтінім беруге болады.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.