Қазақстанның селекциялық бидай сұрыптары ылғалға төзімдірек – АШМ өкілі

Ауыл шаруашылығы министрлігі Егіншілік департаментінің директоры Азат Сұлтановтың айтуынша, отандық селекциялық бидай сұрыптары биыл жақсы өнім берген. Қазіргі сәтте министрлік элиталық тұқым шаруашылықтарын материалдық-техникалық қамтамасыз ету және агроғылымды қаржыландыру шараларын әзірлеп жатыр. Ол мұндай ақпаратты Орталық коммуникациялар қызметінің алаңында айтты, деп хабарлайды World of NAN.

Азат Сұлтановтың пікірінше, біздің фермерлер пайдаланатын дәнді дақылдар тұқымының 80%-дан астамы қазақстандық сорттар. Бұрын отандық селекционерлер бірінші кезекте егіннің ауруларға, жапырылуға, құрғақшылыққа төзімділігіне назар аударған. Биылғы жыл енді жоғары ылғалдылыққа төзімді сорттарға да сұраныс бар екенін көрсетті. Оның сөзінше, қазір олар осы мәселемен мұқият айналысып жатыр.

«Нөсер жаңбыр кезінде СҚО Қарабалық тәжірибе станциясының "Айна" сорты өте жақсы нәтиже көрсетті. Астық өнуге бейім емес еді. Яғни, дер кезінде егілген қазақстандық селекцияның сорттары агротехникалық ережелерге сәйкес қазіргі ауа райына төзімді болып шықты», - деді АШМ департаментінің басшысы.

Спикер ең нашар нәтижелерді импорттық сорттар көрсеткенін атап өтті. Оның негізгі себебі – шетелдік сорттар еліміздің климатына бейім болмай шығады. Қазіргі уақытта Қазақстан фермерлерінің арасында Шортанды, Қарабалық, Қарағанды тәжірибе станцияларында өсірілген сорттар өте танымал.

Департамент басшысы атап өткендей, қаржыландыру бағдарламасы арқылы қазақстандық селекционерлердің республиканың қазіргі ауа райына бейімделген жобаларын субсидиялау жоспарланып отыр.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.