Қостанай облысында 900 бастан астам мал суға кетті

Қостанай облысында 900 бастан астам мал суға кетті. Жергілікті атқарушы органдар су тасқынынан зардап шеккен мал иелеріне өтемақы бере бастады. Бұл жөнінде World of NAN облыс әкімдігіне сілтеме жасай отырып хабарлайды.

Су тасқынына байланысты төтенше жағдай жарияланған аймақтарда шығынды, оның ішінде малға келтірілген шығынды бағалау үшін арнайы комиссия жұмыс істейді. Комиссияның құрамына аудандық ветеринария қызметінің мамандары енгізілген, олар оқиға орындарына барып, өлген малдың санын анықтап, мал өлекселерін зарарсыздандыру бойынша жұмыстарды атқарады.

Комиссия сонымен қатар мал иелеріне шығынды өтеуге өтініш беру үшін қажет болатын құжаттарды жинауға көмектеседі.

14 сәуірдегі жағдай бойынша 938 бас малға өтінім берілді. Әкімдіктің айтуынша, осыған дейін 3 өтінім бойынша 11 ірі қара мал, 200 ұсақ мал үшін 13 миллион 729 мың теңге төленген.

Әкімдік су тасқыны салдарынан зардап шеккен мал иелеріне төлемдер жалғасатынын айтады. Ол үшін мал иелері мен шаруа қожалықтары жергілікті атқарушы органдарға жүгініп, өтемақыға өтініш жолдауы қажет.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.