Ресей АӨК өнімдері экспортын 16%-ға ұлғайтты

Ресейдің ауыл шаруашылығы министрі Оксана Луттың айтуынша, биылғы жылы ресейлік агроөнеркәсіп кешені өнімдерінің экспорты өткен жылмен салыстырғанда 16%-ға жоғары, оның көлемі 50 млн тоннадан асады. Бұл жөнінде World of NAN порталы Интерфакс агенттігіне сілтеме жасай отырып хабарлайды.

«Егер нақты түрде экспорт туралы айтатын болсақ, жыл басынан бері ол 16 пайызға өсіп, 50 миллион тоннадан асты», - деді министр.

Лут әлемдік нарыққа май, ет және сүт өнімдерінің жеткізілімі ерекше қарқынмен өскенін түсіндірді. Биылғы маусымда бидай экспорты бойынша да рекордтық көрсеткіш күтіліп отыр.

«Ағымдағы маусымның соңында біз әлемдік нарықтағы көшбасшылығымызды растайтын бидай экспорты бойынша рекордты күтеміз. Тарихта бірінші рет арпа мен бұршақ жеткізуден бірінші орын аламыз. Біз сондай-ақ күнбағыс пен соя майы экспортының рекордтық көлемін күтеміз», - деп қосты ол.

Министр әлемдік бағаның төмендеуі өткен жылғы деңгеймен салыстырғанда жеткізілімдердің құндық мәнде аздап төмендеуіне әкелгенін атап өтті. 

2023 жылы Ресей Федерациясы құны 43,5 миллиард доллар болатын 103 миллион тонна ауыл шаруашылығы өнімін экспорттаған, ресейлік азық-түлік әлемнің 160-тан астам еліне жеткізілген.

2024 жылға арналған экспорттық болжам шамамен 45 миллиард долларды құрайды.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.