Ресей қатты бидайды экспорттауға шектеу енгізді

Ресей үкіметі қатты бидайдың экспортына тыйым салуды мақұлдады. Шектеу шаралары 2024 жылдың 31 мамырына дейін созылады. Бұл туралы World of NAN порталы Интерфакс агенттігіне сілтеме жасай отырып хабарлайды.

Уақытша шектеу үкімет қаулысы жарияланған сәттен бастап (осы жылдың 11 желтоқсаны) күшіне енеді және ЕАЭО СЭҚ ТН 1001 11 000 0 және 1001 19 000 0 кодтары бойынша қатты бидай экспортына қолданылады.

Құжат тыйым салу қолданылмайтын бірқатар ерекшеліктер қарастырылған. Бұған халықаралық гуманитарлық көмек көрсету мақсатындағы және халықаралық үкіметаралық келісімдер шеңберіндегі қатты бидай экспорты кіреді.

Қатты бидайды ЕАЭО елдеріне Ресей Федерациясының Ауыл шаруашылығы министрлігі берген рұқсаттарды ескере отырып, үкімет қаулысымен белгіленген квоталар шегінде экспорттауға рұқсат етіледі.

Қарарға сәйкес, экспорттық квоталар Беларусь пен Арменияға әрқайсы 1 мың тонна (ЕАЭО СЭҚ ТН коды 1001 11 000 0), Қырғызстанға – 1 мың тонна (ЕАЭО СЭҚ ТН коды 1001 11 000 0) және 12 мың тоннаны (ЕАЭО СЭҚ ТН коды 1001 19 000 0) құрайды. Ал Қазақстанға – 4 мың тонна (ЕАЭО СЭҚ ТН коды 1001 11 000 0) және 30 мың тонна (ЕАЭО СЭҚ ТН коды 1001 19 000 0) квота бөлінген.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.