Ресей Қытайға ет пен астық экспорттауды ұлғайтады

Ресей мен Қытайдың үкімет басшылары ауылшаруашылық саудасы бойынша мемлекеттер арасындағы ынтымақтастық мүмкіндіктерін кеңейтетін хаттамаларға қол қойды, деп хабарлайды World of NAN.

Кездесу барысында қол қойылған ең маңызды құжат - ресейлік шошқа етін Қытайға экспорттауға қатысты инспекциялық, карантиндік және ветеринарлық-санитарлық талаптар туралы хаттама болды.

Желтоқсан айында Қытайдың Бас кеден басқармасының өкілдері ветеринарлық қадағалау жүйесімен, Россельхознадзор ғылыми-зерттеу институттарының жұмысымен танысып, шошқа фермалары мен ресейлік шошқа етінің өндірісін тексеру мақсатында Ресейге барды.

Қытайға шошқа етін жеткізу нарығын ашудың соңғы қадамы ветеринарлық сертификатты бекіту және ресейлік кәсіпорындарды сертификаттау болады. Сонымен қатар, Ресейден Қытайға экспортталатын азықтық емес жануарларға арналған жемге қойылатын ветеринариялық-санитариялық талаптар туралы хаттамаға қол қойылды.

Екінші маңызды мәселе – жүгері, күріш, соя және рапсқа қойылатын фитосанитарлық талаптар туралы хаттамаға толықтыру енгізілді. Ресейлік кәсіпорындарға бұл өнімдерді Ресейдің түкпір-түкпірінен жеткізуді бастау құқығын беретін толықтыру жасалды. Қазіргі уақытта экспорт тек Приморск, Забайкалье, Хабаровск өлкелері, Амур облысы және Еврей автономиялық облысымен шектеледі.

Смотрите больше интересных агроновостей Казахстана на нашем канале telegram, узнавайте о важных событиях в facebook и подписывайтесь на youtube канал и instagram.